فقہائے کرام کی تصریحات کے مطابق   حرام چیز کے  حلال ہونے  یا حلال کے حرام ہونے کو کسی شرط کے ساتھ معلق  کرنا قسم کے زمرے میں داخل ہے  چاہے  قسم کے الفاظ پر تکلم  کیا ہو یا نہ کیا ہو چنانچہ  حانث ہونے کی صورت میں  قسم کا کفارہ لازم  ہوگا۔

         صورت مسئولہ میں   مذکورہ الفاظ "میں  تم لوگوں سے تعلق نہیں رکھونگا اور اگر رکھا تو میری ماں میری بیوی ہوگی" میں   حرام رشتہ کو  ذکر کردہ شرط  کے واقع ہونے کی صورت میں  حلال بنایا گیا  ہے یہ  شرعا یمین (قسم)کے حکم میں داخل ہے   لہذا جن سے تعلق نہ رکھنے کی قسم کھائی ہے اگر ان سے تعلق رکھے گا تو  قسم کا کفارہ ادا کرے گا۔

فكل ما حرم مؤبدا فاستحلاله معلقا بالشرط يكون يمينا وما لا فلا۔ (رد المحتار،كتاب الأيمان،ج3،ص721)