قبرستان میں  مدفون اموات کو  بے حرمتی سے  بچانے کیلئے  قبرستان کی دیکھ بال ضروری ہے.اسی  احترام  کی خاطر احادیث مبارکہ میں  قبروں کے اوپر   بیٹھنے   سے منع کیا گیا ہے ،تاہم اگر   اموات کے اجسام غالب گمان کے مطابق خاک ہو چکے ہوں تو ایسی صورت میں  بوسیدہ قبروں کو ہموار کرکے  انکے اوپر نئی قبریں  بنائی جا سکتی ہے ۔

                صورت مسؤلہ میں اگر قبرستان  میں  موجود اموات  غالب گمان کے مطابق  خاک ہو چکے ہو ں  تو ایسی صورت میں  قبرستان کی بھرائی بھی جائز ہے  نیز بھرائی کےبعد ان میں نئے مردے بھی دفنائے جاسکتے ہیں ۔ تاہم اگر قبریں ایسی ہوں کہ غالب گمان کے مطابق ان کے اموات ابھی تک  خاک نہ ہو چکے ہوں گےتو پھر قبرستان  کے  تحفظ  اور اموات کے  احترام کی خاطر  اس کی بھرائی اگر چہ جائز ہے  لیکن  ان قبروں کے اوپر کوئی نشان (مثلا کتبہ وغیرہ) بطور علامت  لگایا جائے  تاکہ نیچے  قبروں کااحترام برقرار رہے ۔یاد رہے کہ ایسی صورت میں ان کے اوپر  نئے  مردوں کے دفنانے سے اجتناب کیا جائے  ۔

عن جابر، قال: «نهى رسول الله صلى الله عليه وسلم أن يجصص القبر، وأن يقعد عليه، وأن يبنى عليه»(الصحيح لمسلم،كتاب الجنائز،فصل في النهي عن تجصيص القبر والبناء عليه ،ج2ص266)

عن مكحول قال بينا رسول الله صلى الله عليه و سلم جالس على قبر ابنه إذ رأى فرجة فقال للحفار ايتني بمدرة لأسدها أما أنها لا تضر ولا تنفع ولكن يقر بعين الحي ۔(مصنف عبد الرزاق،باب  حسن عمل القبر ،ج3ص508)

ويكره أن يبنى على القبر أو يقعد أو ينام عليه أو يوطأ عليه ۔۔۔وإذا خربت القبور فلا بأس بتطيينها كذا في التتارخانية وهو الأصح وعليه الفتوى۔(الفتاوی الھندیۃ،کتاب الجنائز ،الفصل السادس  فی القبر  والدفن والنقل ج1ص166)

ولو بلى الميت وصار ترابا جاز دفن غيره في قبره وزرعه والبناء عليه۔(ايضا،كتاب الصلوة،الفصل السابع في الشهيدج1ص167)