واضح رہے کہ جو پراپرٹی اس طرح تجارت کی نیت سے خریدی جائےکہ اس کو فروخت کرکے نفع کمایا جائے گا اور اس کی مالیت نصاب تک پہنچتی ہو تو سال گزرنے کے بعد اس پر زکوۃ واجب ہو جاتی ہے اور اگر پراپرٹی کرایہ پر دی ہو تو اس پراپرٹی کی مالیت پر زکوۃ لازم نہ ہوگی البتہ اگر  پراپرٹی کا مالک پہلے سے صاحب نصاب ہو یااس کرایہ کی رقم سے صاحب نصاب بن جائے تو سال گزرنے پر زکوۃ اداکرنا لازم ہوگی ۔

صورت مسئولہ کے مطابق جب پلاٹ تجارت کی نیت سے خریدا تھا لیکن کسی عذر کی وجہ سے تجارت کی نیت نہ رہی اور اس کو کرایہ پر دے دیا تو اس کی مالیت پر زکوۃ کا وجوب ساقط ہوگا اور اس کی آمدنی اگر نصاب تک پہنچے یا مالک پہلے سے صاحب نصاب ہو تو سال گزرنے کے بعد اس پر زکوۃ واجب ہوگی۔

ولو اشترى الرجل دارا او عبدا للتجارة ثم اجره ، يخرج من ان يكون للتجارة ،لانه لما آجره فقد قصد المنفعة۔(فتاوى قاضي خان ،فصل في مال التجارةج1ص155)

ولو اشترى قدورا من صفر يمسكها و يواجرها ، لا تجب فيها الزكوة كما لا تجب في بيوت الغلة۔(الفتاوى الهندية كتاب الزكوة الباب الثالث في زكوة الذهب ۔۔ج1ص180)

الزكوة واجبة على الحر العاقل۔۔۔۔اذاملك نصابا ملكا تاما، وحال عليه الحول۔(الهداية، كتاب الزكوةج1 ص200،201)