مضاربت میں جس رب المال کی رقم سے جو چیز خریدی جائے  اس  کا نفع ونقصان اسی رب المال کا شمار ہوگا دوسرا رب المال اس میں شریک نہ ہوگا۔

جب ایک رب المال نے مضاربت کے لیے رقم دی اور مضارب نے اس رقم سے کوئی چیز خرید لی تو نفع و نقصان میں وہی رب المال شریک ہوگا بعد میں آنے والا رب المال جس کی رقم اس چیز کی خریداری میں خرچ نہیں ہوئی  عدمِ شرکت کی وجہ سے نہ نفع کا استحقاق رکھے گا اور نہ ہی اس کو  نقصان کا ضامن ٹھہرایا جائے گا ۔

نیز عقد مضاربت میں رب المال نے اگر مضارب کو مطلق اجازت دی ہو یا یہ کہا ہو کہ اپنی مرضی سے کام کرو یا اپنی صوابدید پر کام کروتو اس صورت مضارب کو اجازت ہوگی کہ ارباب الاموال کے سرمائے کو باہم مشترک کرے البتہ اگر مضاربت میں مطلق اجازت نہ ہو اور نہ ہی اس قسم کی کوئی تصریح ہو تو پھر مضارب کے لیے جائز نہیں کے ارباب الاموال کی رقوم کو  مشترک کرے۔

وَأَمَّا الْقِسْمُ الذي لِلْمُضَارِبِ أَنْ يَعْمَلَهُ إذَا قِيلَ له اعْمَلْ بِرَأْيِكَ وَإِنْ لم يَنُصَّ عليه فَالْمُضَارَبَةُ وَالشَّرِكَةُ وَالْخَلْطُ فَلَهُ أَنْ يَدْفَعَ مَالَ الْمُضَارَبَةِ مُضَارَبَةً إلَى غَيْرِهِ وَأَنْ يُشَارِكَ غَيْرَهُ في مَالِ الْمُضَارَبَةِ شَرِكَةَ عِنَانٍ وَأَنْ يَخْلِطَ مَالَ الْمُضَارَبَةِ بِمَالِ نَفْسِهِ إذَا قال له رَبُّ الْمَالِ اعْمَلْ بِرَأْيِكَ وَلَيْسَ له أَنْ يَعْمَلَ شيئا من ذلك إذَا لم يَقُلْ له ذلك۔(بدائع الصنائع،كتاب المضاربة،ج8،ص45)