جب کوئی زمین مسجد ،قبرستان ،یا جنازہ گاہ کے لیے وقف کی جائے تو وقف تام ہونے کے بعد موقوفہ جائیداد ميں واقف یا کسی اور شخص کو مصرف وقف کے علاوہ کسی تصرف کا حق حاصل نہیں بلکہ جس مقصد کے لیے وقف ہے اس میں استعمال کرنا لازمی اور ضروری ہے ۔

صورت مسئولہ میں واقف نے جس زمین کو جنازہ گاہ کے لیے وقف کردیااور وقف تام بھی ہو چکا ہے تو اس زمین کو جناز ہ گاہ کے علاوہ دوسرے مصارف میں استعما ل کرنا جائز نہیں لہذا جناز ہ گاہ کی دوسری منزل میں کمیونٹی سنٹر قائم کرنا شرعاًجائز نہیں۔

 ( فإذا تم ولزم لایملک ولا یملک ،ولا یعار ،ولا یرھن ) قال ابن عابدین : ( قوله : لا يملك ) أي لا يكون مملوكا لصاحبه ،(ولا يملك )أي لا يقبل التمليك لغيره بالبيع ونحوه۔(رد المحتار على الدر المختار ،كتاب الوقف ،مطلب فرق ابو يوسف بين قوله "موقوفة"ج6ص539)

فإن شرائط الواقف معتبرة إذا لم تخالف الشرع وهو مالك ، فله أن يجعل ماله حيث شاء ما لم يكن معصية۔(ردالحتار على الدر المختار كتاب الوقف مطلب شرائط الواقف ج6ص527 )