شرعی نقطہ نظر سے جب کوئی شخص اپنی نذر کو کسی شرط کے ساتھ معلق کرتاہے تو وجودِشرط  کی صورت میں ناذر پر بعینہ منذور چیز واجب ہوجاتی ہے،تاہم اگرنذرکی ادائیگی اس کےلیےممکن نہ ہوتو کفارہ یمین کی ادائیگی سے اس کا ذمہ فارغ ہوسکتاہے۔صورتِ مسئولہ میں سائل نے اپنی ساری زندگی کی کمائی کا پورا یا آدھاحصہ دینےکی نذر مانی ہے اور شرط پوری ہوگئی ہے تو اب اس پر نذر پورا کرنا لازم ہے۔لیکن اگر سائل کےلیے اس نذر کا پوراکرناممکن نہ ہوتو  کفارہ یمین دےکرنذر سے فارغ ہوسکتا ہے۔کفارہ  یمین یہ ہے کہ دس مسکینوں کودو وقت کا مناسب کھانا کھلایاجائے،یادس مسکینوں کو کپڑے دیے جائیں یا غلام آزاد کرلیاجائے،اگر ان میں سے کسی پر بھی قدرت نہ ہوتوحنفیہ کے نزدیک مسلسل تین روزے رکھ لے۔

فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلَاثَةِ أَيَّامٍ( المائدة ، الآية : 89 ) 

 وَعَنْ أبي حَنِيفَةَ أَنَّهُ رَجَعَ عنه فقال إنْ فَعَلْت كَذَا فَعَلَيَّ حَجَّةٌ أو صَوْمُ سَنَةٍ أو صَدَقَةُ ما أَمْلِكُهُ أَجْزَأَهُ عن ذلك كَفَّارَةُ يَمِينٍ  وهو قَوْلُ مُحَمَّدٍ وَيَخْرُجُ عن الْعُهْدَةِ بِالْوَفَاءِ بِمَا سَمَّى.(البحرالرائق،كتاب الأيمان،ج4ص320)