اگرکوئی غیرمسلم مسلمانوں کی مسجد میں چندہ دینے کوقربت اورموجب ثواب سمجھتا ہو،تواس سے مسجد کی تعمیر کے لیے چندہ لیناجائزہے بشرطیکہ کسی مذموم مقصد کی خاطر وہ یہ چندہ نہ دے رہاہو۔مثلاًیہ کہ وہ کل کواپنی ملکیت اورشرکت کادعوٰی نہ کرے،یامسلمانوں پراحسان نہ جتلائے یاان کواس بات  پرعارنہ دلائےکہ ہم نے تمھاری مسجد بنائی ہے۔

لہٰذاصورت مسئولہ میں اگراس انگریز(غیرمسلم) سے مذکورہ باتوں کاخدشہ نہ ہو اوروہ مسجدمیں چندہ دینے کوموجب ثواب سمجھتاہو تواس سے مسجد کے لیے چندہ قبول کرناجائز ہے۔

"وأما الإسلام فليس من شرطه فصح وقف الذمي بشرط كونه قربة عندنا وعندهم" (البحرالرائق،کتاب الوقف،316/6)

"شرط وقف الذمي أن يكون قربة عندنا وعندهم كالوقف على الفقراء أو على مسجد القدس"(ردالمحتار،کتاب الوقف،مطلب قدیثبت الوقف بالضرورۃ،524/6)

"ولو قال يسرج به بيت المقدس أو يجعل في مرمة بيت المقدس جاز" (الفتاوٰی الھندیہ،کتاب الوقف الباب الأول،345/2)