عموما مساجد میں عوام سے   جو چندہ  جمع کیا جاتا ہے وہ مسجد کے مصالح ہی کے لیے ہوتا ہے لہذا اس کو مسجد کی ضروریات ومصالح میں خرچ کرنا ضروری ہے۔مسجد کی ضروریات و مصالح کے علاوہ میں اس کا خرچ جائز نہ ہوگا۔اورضروریات و مصالح کی تعیین میں عرف کا اعتبار کیا جائے گا ۔مسجد میں نمازیوں کے لیے ٹھندے پانی کا انتظام چونکہ آج کل کے عرف میں مساجد کی ضروریات میں شمار کیا جاتا ہے لہذا مسجد کے فنڈ سے نمازیوں کے لیے ٹھنڈے پانی کی مشین کا انتظام کرنا جائز  ہے۔

يبدأ  من غلته بعمارته ثم ما هو أقرب إلى العمارة وأعم للمصلحة كالإمام للمسجد والمدرس للمدرسة يصرف إليهم إلى قدر كفايتهم۔(الدرالمحتار علی الدرالمختار،ج4،ص367)

لو وقف علی المصالح فھی للامام والخطیب والقیم وشراءالدھن والحصیر والمراوح۔(شرح الاشباہ والنظائر،کتاب الوقف،ج2،ص100)