عقد اجارہ کے جواز کے لئے جہاں فقہائے کرام نے دیگر شرائط ذکر کی ہیں ان میں سے ایک شرط یہ بھی ہے کہ  اجرت متعین اور معلوم ہو اس میں کسی قسم کا ایسا ابہام یاجہالت نہ ہو جو مفضی الی النزاع ہو سوال میں ذکر کردہ صورت میں اگرچہ دلال کی اجرت کو منافع میں دس فیصد کمیشن کی صورت میں متعین کردیا گیا ہےلیکن یہ تعیین ایسی نہیں کہ جس سے ابہام رفع ہوجائےکیونکہ ضروری نہیں کے دلال کو مبیع کی اصل قیمت اور منافع کا علم ہو اور جب دلال کے حق میں منافع مجہول ہوں تو اس کی اجرت بھی مجہول اور مبہم رہے گی جو باہم جھگڑے کا سبب بنے گا اسی کو بنیاد بناکر  جامعہ عثمانیہ کے دارالافتاءسےصورت مسؤلہ پر عدم جواز کا حکم لگایا گیا ہے۔

عن ابي سعيد الخدري رضی الله تعالی عنہ ان رسول اللہ صلی اللہ علیہ وسلم نہی عن استیجار الاجیر یعنی حتی یبین لہ اجرہ۔(السنن الکبری للبیہقی،باب لاتجوز الاجارۃحتی تکون معلومۃ،ج9،ص 39،حدیث نمبر11855)

 وشرطہا کون الاجرۃ والمنفعۃ معلومتین لان جہالتہما تفضی الی المنازعۃ۔     (الدرالمختار،کتاب الاجارۃ،ج 9،ص7)

اجارۃ السمسار والمنادی والحمامی والصکاک وما لایقدر فیہ الوقت ولاالعمل تجوزلما کان للناس بہ حاجۃ،ویطیب الاجرالماخوذ لو قدر اجرالمثل۔(ردالمحتارعلی الدرالمختار،باب الاجارۃالفاسدۃ،ج9،ص64)