کوئی بھی رفاہی ادارہ جو عام فلاح وبہبود کے کام کرتا ہو اس سے مالی مدد حاصل کرنا جائز ہے ۔البتہ اگر اس مالی امداد کی آڑ میں وہ ادارہ عقیدہ و مذہب پر حملہ آور ہونے کی کوشش کرتا ہو تو اس صورت میں ان کے مذموم مقاصد کی تکمیل میں معاون بننااور ان سے امداد وصول کرنا جائز نہیں ۔

صورت مسئولہ کے مطابق جو این جی او مخصوص آٹا اور فروٹ تقسیم کر رہا ہے اگر اس کے مقاصد واقعتاً  خیر خواہانہ  ہو ں ملک و مذہب کے حق میں کوئی منفی اور مذموم مقاصد نہ ہو ں تو شرعا ان سے امداد لینے میں کوئی قباحت نہیں ۔تاہم اس آٹے کے بارے میں جو دعوی کیا جارہا ہے  اس کی تحقیق دیانت دارماہرین فن سے کرائی جائے اگر کیمیائی تجزئیے کے بعدوہ اس نتیجے پر پہنچیں کہ اس میں کوئی مضر صحت عنصر  نہیں پایا جاتا  تو اس کا لینا اور استعمال کرنا جائز ہوگا۔ورنہ بصورت دیگر اس کے لینے اور استعمال سے احتراز کیا جائے ۔

ولا بأس بطعام اليهود والنصارى كله من الذبائح وغيرها ويستوي الجواب بين أن يكون اليهود والنصارى من أهل الحرب أو من غير أهل الحرب وكذا يستوي أن يكون اليهود والنصارى من بني إسرائيل أو من غيرهم كنصارى العرب۔(الفتاوى الهندية الباب الرابع عشر ج5ص 401)

وجئنا إلى صلة المشرك المسلم فقد روى محمد رحمه الله تعالى في السير الكبير أخبارا متعارضة۔۔۔۔ومن المشايخ من وفق من وجه آخر فقال لم يقبل من شخص علم أنه لو قبل منه لا يقل صلابته وعزته في حقه ويلين له بسبب قبول الهدية وقبل من شخص علم أنه لا يقل صلابته وعزته في حقه ولا يلين بسبب قبول الهدية كذا في المحيط(الفتاوى الهندية الباب الرابع عشر ج5ص402)