شریعتِ مطہرہ نے ہر چیز کے ساتھ حسنِ سلوک کی تعلیم دی ہے حضورﷺ نےفرمایاکہ "اللہ تعالی نے ہر چیز کے ساتھ حسن ِسلوک  کوفرض کیا ہے۔جب بھی تم اپنے دشمن کو قتل کرو تواچھی طرح اور ذبح کرو تواچھی طرح ،اورتم میں سے جب کوئی  جانور ذبح کرےتو اپنی چھری کوتیزکرلے،اورذبیحہ کو آرام پہنچائے"۔اس حدیث کی بنا پر جانورذبح  کرنے کےبعدجب اس کی سانس بالکل نکل جائے یعنی خوب  ٹھنڈا ہوجائےتوتب اس کی کھال اتارنی چاہیے۔

صورتِ مسئولہ کے مطابق  جلدبازی  میں جانور کی کھال اس کی سانس پوری طرح نکلنے اور ٹھنڈا ہونے سے پہلے ہی اتارنے میں چونکہ جانور  کو بے جا  ایذااور تکلیف ہوتی ہےاس لیے ایساکرنامکروہ ہے۔

 عن شداد بن أوس قال اثنتان حفظتهما عن رسول الله صلى الله عليه وسلم قال :إن الله كتب الإحسان على كل  شيء فإذا قتلتم فأحسنوا  القتلة وإذا  ذبحتم فأحسنوا الذبح وليحد أحدكم  شفرته فليرح ذبيحته.(الصحيح لمسلم،كتاب الصيدوالذبائح،باب الأمر بإحسان الذبح،ج3ص1548)

   (و)کره كل تعذيب بلافائدة(مثل قطع الرأس والسلخ قبل أن تبرد)أى تسكن عن اضطراب وهوتفسيرباللازم كمالايخفى.لأنه يلزم من برودتهاسكونهابلاعكس۔(الدرالمختار مع ردالمحتار،كتاب الذبائح،ج9ص427)