کوئی شخص جس علاقے میں موجود ہوتواس پر روزہ وعید میں وہیں کی رؤیت اور اعلان پر عمل کرنالازم ہوگا۔ صورت مسؤلہ میں جب زید کراچی سے حسن خیل آگیا اور علاقہ حسن خیل والوں نے مرکزی کمیٹی کے حساب سے روزہ رکھا تھا توزید کے لیے بھی ضروری تھا کہ وہ وہاں کے لوگوں کے ساتھ مرکزی کمیٹی کے حساب سے اپنے روزے  پورے کرتا اور ان کے ساتھ عید مناتا ۔ لہٰذا جب اس نے وہاں کے لوگوں کے ساتھ ان کے حساب کے مطابق بیسویں رمضان کے غروب شمس سے اپنا اعتکاف شروع کیا تواس کا یہ اعتکاف مسنون اعتکاف شمار ہوگا، اگر چہ دس دن پورے نہ ہوں۔

"عن أبي هريرة رضى الله عنه قال  قال رسول الله صلى الله عليه وسلم : صومكم يوم تصومون وفطركم يوم تفطرون" (سنن الترمذي ج1 ص 88)

"لوصام رائي هلال رمضان وأكمل العدة لم يفطر إلا مع الإمام  لقوله عليه السلام صومكم يوم تصومون وفطركم يوم تفطرون"(ردالمحتار،كتاب الصوم ،ج3ص351)