اس میں کوئی شک نہیں کہ زمین کی پیداوار میں عشر یا نصف عشر کی ادائیگی لازم ہوتی ہےلیکن اگر مالک اپنی زمین کسی اجارہ دار کو ماہانہ یا سالانہ متعین رقم یا غلہ کے بدلے دےدے، تو اس صورت میں چونکہ زمین کی پیداوار براہ راست اجارہ دار کو ملتی ہے، اس لیےعشر یا نصف عشر کی ادائیگی اس  پر لازم ہوگی، جب کہ مالکِ زمین اگر صاحبِ نصاب ہو تو اس پر زمین کی آمدنی میں سے ڈھائی فیصد زکوۃ لازم ہوگی۔    

      لہٰذا صورتِ مسئولہ میں اگر مالکِ زمین پہلے سے صاحب نصاب ہو یا اس رقم کی وجہ سے صاحبِ نصاب بن گیا ہو تو سال گزرنے کے بعد اس پر دیگر اموالِ زکوۃ سمیت اس رقم(25000 روپے) میں سے ڈھائی فیصد زکوۃ لازم ہوگی، عشر اس پر لازم نہیں۔

والعشر على المؤجر كخراج موظف، وقالا: على المستأجر كمستعير مسلم.وفي الحاوي: وبقولهما نأخذ. (الدر المختار على صدر ردالمحتار، كتاب الزكوة، باب العشر، 3/ 276)