فقہاے کرام کی تعریفات کے مطابق بچے کی ولادت کے بعد رحم سے خارج ہونے والے خون کو نفاس کہتے ہیں ،یعنی  نفاس کا خون بچہ دانی سے آتا ہے۔چنانچہ  بچہ دانی کے نکلنے سے  نفاس کا محل ختم  ہونے کی وجہ سے نفاس کا خون بھی منقطع ہوگا۔

          صورت مسئولہ کے مطابق اگر کسی عورت کا بچہ اپریشن کے ذریعہ پیدا ہوجائےاوراس اپریشن میں اس کی بچہ دانی بھی بچے کے ساتھ نکالی گئی ہو تو ایسی عورت  نفاس والی شمار نہیں ہوتی لہذا اس پر نفاس کے احکام جاری نہ ہوں گے۔

(والنفاس) لغة: ولادة المرأة. وشرعا (دم) فلو لم تره هل تكون نفساء؟ المعتمد نعم (ويخرج) من رحمها فلو ولدته من سرتها إن سال الدم من الرحم فنفساء وإلا فذات جرح وإن ثبت له أحكام الولد (عقب ولد) أو أكثره ولو متقطعا عضوا عضوا لا أقله، فتتوضأ إن قدرت أو تتيمم وتومئ بصلاة ولا تؤخر۔(ردالمحتارعلی الدرالمختار، کتاب الطھارۃ، باب الحیض، ج:1، ص:496، دارالکتب العلمیة)

"(وأما) النفاس فهو في عرف الشرع اسم للدم الخارج من الرحم عقيب الولادة،"(بدائع الصنائع،کتاب الطھارۃ، باب الحیض، احکام النفاس، ج:1، ص:292، دارالکتب العلمیة)