شریعت مطہرہ کی رو سے کسی عین یا خدمت کا عوض لینا جائز ہے۔مگر جہاں عین اور  خدمت  دونوں مفقود  ہوں تو  وہاں بلا  وجہ  کسی کا مال لینا جائزنہیں۔

صورت مسئولہ  میں پرانے طلبا سے داخلہ فیس لینے  سے مراد بظاہر پروموشن فیس ہے، جو عموما طالب علموں سے اگلے کلاس میں پروموٹ ہونے پر لیا جاتا ہے، چونکہ اگلے کلاس میں پروموٹ ہونا طالب علم کا حق ہے ،اس لیے  اگلے کلاس میں  پروموٹ ہونے پر ان سے کوئی  فیس وصول کرنا جائز نہیں،تاہم نئے تعلیمی سال  میں داخلے کی تجدید کے لئے فارم پرکرنا یادیگر کارروائی اگر ضروری ہو تو اس کارروائی کا کوئی مناسب معاوضہ لینے کی گنجائش ہے۔

قال اللہ تعالی: ﴿  إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا﴾ [النساء:58]

"لا يجوز لأحد من المسلمين أخذمال أحد بغير سبب شرعي" ۔(البحرالرائق فصل في التعزير ج:5، ص:44، دار الکتب العلمیة)

"(يستحق القاضي الأجر على كتب الوثائق) والمحاضر والسجلات (قدر ما يجوز لغيره كالمفتي) فإنه يستحق أجر المثل على كتابة الفتوى" (ردالمحتار علی الدرالمختار،باب فسخ الإجارة،مطلب في إجارة المستأجر للمؤجر ولغيره، ج:9، ص:127، دارالکتب العلمیة)