سوال

: کیا فرماتے ہیں علماے کرام اس مسئلے کے بارے میں کہ ایک سرکاری سیکورٹی ادارہ ہے جس کے مختلف برانچزاور یونٹس ہیں، ادارے کے جوانوں (سپاہیوں ) کو راشن یعنی آٹا،چینی دال وغیرہ حکومت کی طرف سے دیاجاتاہےجس کی ہر دن کے لحاظ سے ایک مقدار مقرر کی گئی ہے،یہ راشن ہریونٹ کوجوانوں کی تعداد کے مطابق دیاجاتاہے پھر اسے یونٹ میں موجود حاضر سروس جوانوں کے استعما ل میں لایا جاتاہے(خواہ لنگر میں پک جائے خواہ خشک دیاجائے) جوانوں کی چھٹی حالات کے مطابق ہوتی ہےجب علاقے میں امن ہو تو وہاں چھٹیاں زیادہ ہوتی ہیں اور ان جوانوں کاراشن بچ جاتاہے پھر یہ بچاہوا راشن دوسرے حاضر سپاہیوں کو مارکیٹ سے کم قیمت پر فروخت کیاجاتاہے،اور حاصل شدہ آمدنی یونٹ کے مختلف کاموں میں آفیسر کی اجازت سےخرچ کی جاتی ہے۔ اب سوال یہ ہے کہ کیا اس بچے ہوئے راشن کوفروخت کرنا اور دوسرے سپاہیوں کے لیے اسے خریدنا جائز ہے؟ مسئلے کی مزید وضاحت کے لیے مندرجہ ذیل امور قابل غور ہیں: (1) ادارے کی طرف سے ملازمین کو یہ راشن بطور تملیک کے دیاجاتاہے کیونکہ بعض صورتوں میں انہیں خشک راشن یاراشن منی (پیسوں کی مدمیں) بھی دیاجاتاہے۔ (2) یہ ادارہ انیسویں صدی سے قائم ہے اور غیرمعینہ تاریخ سے یونٹ میں یہ معاملہ جاری ہے۔ (3) اس معاملے پر عام سپاہی سے لے کر آفیسر بالا تک ہر سپاہی کوخبرہے۔ (4) قانوناً ہرسپاہی ہر مہینے میں چار دن کی چھٹی کامجاز ہے۔ اور ان چار دن کے راشن کوبند کرنے کاحکم ہے۔

جواب

---

---